விநாயகப் பெருமானின் மகிமை - முழுமுதற்கடவுளின் ஆன்மீக மற்றும் ஜோதிட சிறப்புகள்

ஞானப்பழத் தத்துவம், திருமுறை கண்ட வரலாறு, கேது தோஷ நிவர்த்தி, சிம்ம மாத சிறப்பு மற்றும் 12 ராசிக்கான கணபதி வழிபாடுகள்

க.அருணாச்சலம் குருக்கள்| 5 நிமிட வாசிப்பு

விநாயகப் பெருமானின் மகிமை: ஆன்மீக சிறப்புகள் மற்றும் ஜோதிட மகத்துவம்

விநாயகரை முழுமுதற்கடவுளாக போற்றுவதற்கு பல புராணங்கள் இருக்கிறது. அதில் ஞானப்பழத்தை அடைய தாய் தந்தையை சுற்றி வந்து, பெற்றோர்களே இந்த உலகத்தின் பிரபஞ்ச தத்துவம் என்ற உயர் கோட்பாட்டை முதன் முதலில் எடுத்துரைத்தவர் விநாயகப் பெருமான் ஆவார்.

'வி' என்றால் இல்லை, 'நாயகன்' என்றால் தலைவன். தனக்கு மேல் வேறு ஒரு தலைவன் இல்லாத ஒப்பற்ற பரம்பொருளே விநாயகர் என்பதாகும்.

விநாயகர் சகஸ்ரநாமத்தில் 'உமாங்கமலாய நமஹ' (உமா + அங்க + மலாயநமஹ) என்ற திருநாமம் உள்ளது. பார்வதியின் திரு அங்கத்திலிருந்து வந்தவர் ஸ்ரீ விநாயகர் என்பது இதன் பொருள். மேலும் 'அநீஸ்வராய நமஹ' என்ற நாமம் இவருக்கு மேல் வேறு ஈஸ்வரன் இல்லை என்பதை உணர்த்துகிறது. தாய் தந்தையின் முழு ஆசியையும் பெற்று முழுமுதற் கடவுளாக விளங்கப்படுபவர் விநாயகர்.

திருமுறை தந்த நாயகன் - நம்பியாண்டார் நம்பியின் வரலாறு

சில ஆலயங்களில் இன்னும் தேவாரம் ஒலிக்கக் காரணமாக இருந்தவர் நாயன்மார்களில் ஒருவரான நம்பியாண்டார் நம்பி ஆவார். சைவ சமயத்தைச் சார்ந்த இவருக்கு சிறு வயதிலேயே விநாயகர் காட்சி அருளிய புனித ஸ்தலம் திருநாரையூர் ஸ்ரீ பொல்லாப் பிள்ளையார் ஆலயம் ஆகும்.

ராஜராஜ சோழனின் திருமுறைகளைத் தேடும் பணிகளில் நம்பியாண்டார் நம்பியின் பங்கு மிகவும் பெரிது. நம்பியாண்டார் நம்பி, பொல்லாப்பிள்ளையாரின் அருளால் தில்லையில் (சிதம்பரம்) புதைந்து கிடந்த பொக்கிஷமான திருமுறைகளைக் கண்டறிந்து, ராஜராஜ சோழனின் வேண்டுகோளுக்கு இணங்க நமக்குத் தொகுத்து அளித்துள்ளார்.

திருமுறைகளை உலகிற்கு அறியச் செய்த 'திருமுறை நாயகன்' ஸ்ரீ பொல்லாப்பிள்ளையாரை ஆலயம் சென்று வணங்கி வர முன்னோர்களின் ஆற்றலும், தாய் தந்தையரின் ஆசியும் கிடைத்து வாழ்வில் அனைத்துச் செயலிலும் வெற்றி உண்டாகும்.

அவரவர் பிறந்த நட்சத்திர நாளிலோ அல்லது புனர்பூச நட்சத்திர நாளிலோ சென்று வழிபடுவது மிகவும் சிறப்பானது.

திரிகோணம் பாவங்களை இயக்கும் விநாயகர் வழிபாடு & கேது தோஷ நிவர்த்தி

நாம் வாழ்வில் பூர்வ புண்ணிய கர்மாக்களுக்கு ஏற்றவாறு பிறப்பெடுத்து இருக்கிறோம். அந்த கர்ம வினையை நீக்கும் ஆற்றல் விநாயகப் பெருமானுக்கு உண்டு. நாம் செய்யும் செயல்களில் தடை ஏற்படுகிறது என்றால் அதற்கு காரணம் நாம் முற்பிறவியில் செய்த வினைகளே ஆகும். அந்தத் தடை ஏற்படுத்துபவரும் அவரே (கேது), அதை நிவர்த்தி செய்பவரும் அவரே ஆவார்.

கிரகங்களின் தோஷத்தை நீக்குபவர் விநாயகர். கிரகங்களில் கேது பகவானுக்கு பலம் அதிகம். அவருக்கு அதிபதியான விநாயகப் பெருமானை வணங்க பிறப்பெடுத்த கர்ம வினைகள் நீங்கும்.

அதனால் தான் கால புருஷ தத்துவப்படி மேஷம் (1-ஆம் பாவம் - ஜாதகர்), சிம்மம் (5-ஆம் பாவம் - பூர்வ புண்ணியம்/பித்ருக்கள்), தனுசு (9-ஆம் பாவம் - தந்தை/பாக்கியம்) ஆகிய கேது பகவானின் நட்சத்திரங்கள் முதலில் வருகின்றன. சிம்மத்தில் உள்ள மகம் பித்ருகளின் நிலையைச் சொல்லும்; தனுசில் உள்ள மூலம் தந்தையின் பாவ புண்ணியங்களைக் குறிக்கும்; மேஷத்தில் உள்ள அஸ்வினி ஜாதகரைப் பற்றிக் குறிக்கும்.

விநாயகரை அவரவர் பிறந்த கிழமைகளிலும் ஜாதகத்தில் கேது அமர்ந்த பாவகத்தின் அதிபதி கிழமையிலும் வணங்கி வர ஜாதகத்தில் உள்ள தோஷங்கள் நீங்கும்.

சிம்மத்தில் உதித்த ஆனைமுகன் - ஆவணி மாத விநாயகர் சதுர்த்தி சிறப்பு

ஐந்தாவது ராசி சிம்மம் - ஆவணி மாதம் (தமிழ் ஐந்தாவது மாதம்). விநாயகப் பெருமானுக்கு 'ஐந்து கரத்தன்' என்ற பெயர் உண்டு. எனவே இந்த சிம்ம மாதத்தில் விநாயகருக்கு சிறப்பான மாதமாக விழாக்களை நம் முன்னோர்கள் அமைத்திருக்கிறார்கள்.

மேலும் சிம்ம ராசி வயிற்றைக் குறிக்கும் ராசியாகும். இந்த உலக உயிரினம் அனைத்தும் விநாயகரின் வயிற்றில் அடக்கம்.

எப்படி வணங்குவது?

எங்கும் இருப்பவர் விநாயகப் பெருமான். இவர் இல்லாத இடமே இல்லை; இவர் ஆலயம் இல்லாத இடமே இல்லை. இவரை குழந்தை குணத்துடன் நம்பியாண்டார் நம்பி போல் மனதார வழிபட வேண்டும்.

மஞ்சளை பிடித்து வைத்து அருகம்புல் வைத்து எளிமையாக வணங்க இவர் நம் துயரங்களை தீர்ப்பார்.

12 ராசிக்காரர்கள் வணங்க வேண்டிய கணபதி மூர்த்திகள்

12 ராசிக்காரர்களும் தங்களுக்குரிய கணபதி மூர்த்தியை வணங்கி வர சகல தோஷங்களும் நீங்கி வாழ்வில் வெற்றி உண்டாகும்:

மேஷம் - ஸ்ரீ பாலகணபதி
ரிஷபம் - ஸ்ரீ வித்யா கணபதி
மிதுனம் - ஸ்ரீ சக்தி கணபதி
கடகம் - ஸ்ரீ சித்தி கணபதி
சிம்மம் - ஸ்ரீ உச்சிஷ்ட கணபதி
கன்னி - ஸ்ரீ க்ஷிப்ர கணபதி
துலாம் - ஸ்ரீ விக்னராஜ கணபதி
விருச்சிகம் - ஸ்ரீ வர கணபதி
தனுசு - ஸ்ரீ ருணமோசன கணபதி
மகரம் - ஸ்ரீ ஹேரம்ப கணபதி
கும்பம் - ஸ்ரீ ஏகதந்த கணபதி
மீனம் - ஸ்ரீ தருண கணபதி

Key Highlights

முழுமுதற்கடவுள் ஸ்ரீ விநாயகப் பெருமானின் ஆன்மீக மற்றும் ஜோதிட மகத்துவம்

நம்பியாண்டார் நம்பிக்கு அருள் புரிந்து சைவ திருமுறைகளை உலகிற்குத் தந்த பொல்லாப்பிள்ளையார் வரலாறு

கேது பகவான் தோஷம் நீக்கும் திரிகோண ராசிகளின் (மேஷம், சிம்மம், தனுசு) வழிபாட்டு ரகசியம்

ஆவணி (சிம்ம) மாதத்தில் விநாயகர் சதுர்த்தி மற்றும் ஐந்து கரத்தன் தத்துவத்தின் சிறப்பு

மஞ்சள் பிள்ளையார் பிடித்து அருகம்புல் சாற்றும் எளிய வழிபாட்டு முறை

12 ராசியினரும் அருள் பெற வணங்க வேண்டிய 12 கணபதி மூர்த்திகள்

#விநாயகர் வழிபாடு #விநாயகப் பெருமான் #கேது தோஷம் #நம்பியாண்டார் நம்பி #12 ராசி கணபதி #ஆன்மீக பலன்கள் #தோஷ நிவர்த்தி

அடிக்கடி கேட்கப்படும் கேள்விகள்

விநாயகப் பெருமானை ஏன் முழுமுதற்கடவுள் என்று அழைக்கிறோம்?

'வி' என்றால் இல்லை, 'நாயகன்' என்றால் தலைவன். இவருக்கு மேல் வேறு தலைவன் இல்லை என்பதால் இவரை முழுமுதற்கடவுளாகப் போற்றுகிறோம். ஞானப்பழத்தை அடைய தாய் தந்தையை சுற்றி வந்து பிரபஞ்ச தத்துவத்தை உணர்த்தியவர் இவரே.

கேது தோஷம் நீங்க விநாயகரை எப்போது வணங்க வேண்டும்?

அவரவர் பிறந்த கிழமைகளிலோ அல்லது ஜாதகத்தில் கேது அமர்ந்த பாவக அதிபதியின் கிழமையிலோ விநாயகருக்கு அருகம்புல் சாற்றி வணங்கி வர கேது தோஷம் மற்றும் கர்ம வினைகள் நீங்கும்.

திருநாரையூர் பொல்லாப்பிள்ளையார் ஆலயத்தின் சிறப்பு என்ன?

நாயன்மாரான நம்பியாண்டார் நம்பிக்கு சிறு வயதிலேயே விநாயகர் காட்சி தந்த தலம் இதுவே. பொல்லாப்பிள்ளையாரின் அருளால் தான் சிதம்பரத்தில் பூட்டப்பட்டிருந்த சைவ திருமுறைகள் கண்டறியப்பட்டு தொகுக்கப்பட்டன.

எனது ராசிக்குரிய விநாயக மூர்த்தியை எவ்வாறு வழிபடுவது?

மேஷம் - பாலகணபதி, ரிஷபம் - வித்யா கணபதி, மிதுனம் - சக்தி கணபதி, கடகம் - சித்தி கணபதி, சிம்மம் - உச்சிஷ்ட கணபதி, கன்னி - க்ஷிப்ர கணபதி, துலாம் - விக்னராஜ கணபதி, விருச்சிகம் - வர கணபதி, தனுசு - ருணமோசன கணபதி, மகரம் - ஹேரம்ப கணபதி, கும்பம் - ஏகதந்த கணபதி, மீனம் - தருண கணபதி ஆகிய மூர்த்திகளை அவரவர் ராசிக்கு ஏற்ப வணங்கி வரலாம்.

ஸ்ரீ விநாயகப் பெருமானின் பரிபூரண அருளையும் தோஷ நிவர்த்தியையும் பெறுங்கள்

உங்கள் பிறந்த ஜாதகத்தில் உள்ள கேது தோஷங்கள், கிரக நிலைகள் மற்றும் உங்கள் ராசிக்குரிய கணபதி வழிபாட்டு முறைகளை அறிய எங்கள் ஆன்மீக ஜோதிடர்களை ஆலோசிக்கவும்.

ஜோதிடரை ஆலோசிக்கவும்